app_02 said:
jingo, sadyang napaliwanag nito at nakasisilaw
nakagigitla, para bagang isang balintataw
hindi ka makaiimik sa halik na nakakapanabik
hahanap hanapin mo kanyang pagbabalik

yiskah, umasa kang ito'y muling magbabalik
kung sa'yong kaibutura'y ito'y iyong 'di iwawaglit.
kung saan nananahan ang mga "sana at dapat"
sa pinag-isang lambing ng kulog at kidlat.

-----
old habits die hard. tsk!

oh kidlat pangamba ko
minsan ka lang sa isang lugar kung gumuhit
baka pagbalik mo
sa iyong puso'y ako nawawaglit

-----
Carpe Diem

jingo, kung gumuhit na muli ang kidlat sa kalangitan
buong tapang kong ilalahad mga kamay sa kaitaasan
ang "sana at dapat" ay magiging "siya at ako"
ulan ang magiging saksi sa ginintuang pangako

-----
"Save me a place in your heart. Save me a dream."

yiskah, dalangin ko'y dumilim nang muli,
hihintayin ang kanyang pagbabalik.
at sa'yo'y dumapo't dalawin kang muli
at sa tabi'y ako itong saksing tatahimik.

+++++
nag-aabang ang pagkakataon.

-----
old habits die hard. tsk!

jingo, aangkinin namin ang mundo
sa pagdating niya'y tatanggapin ng buong buo
gigisingin ang kalaliman ng gabi
hihimbing ng may ngiti sa mga labi

+++++
magiging saksi ka sa pagkakataon.

-----
"Save me a place in your heart. Save me a dream."

at sa pag-angking ito, hahawakan ko ang kawil ng oras
pipigilan kong sumilip ang inang araw
hindi ko papayagang umihip ang hangin
para sa'yo, yiskah, ito ang aking dalangin.

+++++
nais kong humimlay sa pagkakataong ito.

-----
old habits die hard. tsk!

sa pagtigil ng pag-inog ng mundong umaayon
jingo, mananatili kaming nakayapos sa pagkakataon
anino ng bawat isa ang natatanging kaulayaw
sa nakalalasing na ligaya kami ay magtatampisaw

+++++++

humimlay sa natatanging pagkakataon.

-----
"Save me a place in your heart. Save me a dream."

Ligayang nadarama tunay kung minsa'y nakalalasing
Parang ayaw mo ng gumising sa pagkakahimbing
At hayaan na lang sumabay sa pag-inog ng mundo
Upang lasapin ang kaligayahan ng buong-buo.

-----
Happiness keeps you Sweet,
Trials keep you Strong,
Failures keep you Humble,
Success keeps you Glowing,
But Only God Keeps You Going!

Pero minsan ang ligaya ay hindi buo
Ang Happy Ending daw ay hindi totoo
Para kang isang taong umibig sa multo
Nagmamahal sa kalansay at buto-buto

-----
Vote fafa zaltik para sa Hot Seat!

Isa ng malupit na karanasan
kung ikaw ay mapaglaruan
Ligaya mong inaasam-asam
Ito palay biglang masasamsam.

-----
Carpe Diem

Sa inyo po click, app_02 at jingo,
Dito sa TDP, aking mga katoto
Sa dugtungan sila ang mga paborito
Mr. harmsome, ishee magaling din at matalino

Nawala man ako sa topic, sa tula ni harmsome
Lagi kung inaabangan at inaasam-asam
Ginoo, ako'y tanging masugid na taga-hanga
Dahil sa iyong mga tula ako'y napapatunganga

-----
Happiness keeps you Sweet,
Trials keep you Strong,
Failures keep you Humble,
Success keeps you Glowing,
But Only God Keeps You Going!

Ngiti ay gumuhit sa aking mga labi
Ramdam na saya ay di ko masabi
Pagkat isang kaibigan ang aking nakilala
Na may angking talino sa paggawa ng tula

Dito sa office namin tanaw ko ang dagat
Bughaw na kulay, parang humahalik sa ulap
Kay sarap tingnan ang mga nag-uunahang alon
Nagpapa-alala sa akin sa nagdaang panahon

Sa dalampasigan na aming tinahak
Kasama ng mga paru-paru at bulaklak
pinagmamasdan ang paglubog ng araw
Kasabay ng mga alon na naguumapaw

-----
Vote fafa zaltik para sa Hot Seat!

kaysarap mamasyal sa dalampasigan
Lalo pa't kamay ng mahal ang tangan
Bulong ng hangin, yakap ng mga alon
Nagpapaalala sa nagdaang panahon

-----

Thanks to Sir Zaltik for the Siggy

Ihip ng hangin, humahalik sa aking mukha
Sarap damhin ang mga alaala at gunita
Mga sandaling magkasama sa dalampasigan
Hinubog na pangako ng dalawang magkaibigan

Pero parang may nakita ako na kakilala kanina
Sa online members andyan ang pangalan nya
Si fafa krior alam ko ay bigla nalang sumaya
Pagkat ang kanyang crush ay muling nagpakita

-----
Vote fafa zaltik para sa Hot Seat!

kung sinuman yun ay tukuyin mo na
walang mapapala kung itatago mo pa
malay mo may pagtingin din pala
sayang ang panahon sanay naging masaya na

-----

sometimes, we need to forget about the people from our past, 'cause there must be a good reason why they didn't make it to our future.